Please select a recording.
Ⲕⲁⲗⲱⲥ ⲓ̀ⲇⲉⲛ ⲥⲉ Ⲓⲁⲕⲱⲃ: ⲡⲉⲛⲓⲱⲧ ⲕ̀ⲗⲓⲙⲁⲕⲁ ⲙ̀ⲯⲩⲭⲱⲛ: ⲉⲥϭⲟⲥⲓ ⲉ̀ⲧ̀ⲫⲉ ⲉ̀ⲣⲉ Ⲡⲟ̅ⲥ̅ ⲫⲏⲉ̅ⲑ̅ⲩ̅: ϩⲉⲙⲥⲓ ϩⲓϫⲱⲥ ⲱ̀ ϯⲧ̀ⲣⲩⲅⲱⲛ.
Ⲡⲁⲛⲩⲙⲛⲓⲇⲟⲥ ⲛ̀ⲕⲟⲥⲙⲓⲕⲏ: ⲉⲧⲁⲥϣⲉⲡ ⲡⲓⲀ̀ⲭⲱⲣⲓⲧⲟⲥ: ϧⲉⲛ ⲧⲉⲥⲙⲏⲧⲣⲁ ⲙ̀ⲡⲁⲣⲑⲉⲛⲓⲕⲏ: ⲛⲉⲙ ⲡⲉⲥⲁ̀ⲙⲏⲣ ⲡⲁⲛⲁ̀ⲣⲉⲧⲟⲥ.
Ϫⲉ ⲁϥⲓ̀ⲣⲓ ⲛ̀ⲛⲉⲥ̀ⲡⲗⲁⲅⲭⲛⲟⲛ ⲑ̀ⲣⲟⲛⲟⲛ: ⲕⲉ ⲡⲁⲗⲓⲛ ⲧⲏⲛ ⲥⲩⲛ ⲅⲁⲥⲧⲏⲣⲁ: ⲉ̀ⲫⲩⲗⲁⲧⲧⲟⲙⲉⲛⲏ ⲉⲝ ⲟ̀ⲩⲣⲁⲛⲟⲛ: ⲉ̀ⲡⲉⲣⲅⲁⲥⲧⲟ ⲡ̀ⲗⲁⲧⲓⲧⲉⲣⲁ.
Ⲙⲁⲣⲉⲛϫⲟⲥ ⲧⲏⲣⲉⲛ ⲱ̀ ⲡⲓⲙⲟⲕⲓ: ⲁⲙⲟⲗⲩⲥⲙⲁⲧⲟⲥ ⲙⲁⲕⲁⲣⲓⲟⲥ: ⲁ̀ⲣⲉⲧⲉⲛⲑⲱⲛϯ ⲉ̀ϯⲙⲟⲩⲕⲓ: ⲑⲏⲉ̀ⲧⲁ Ⲓⲁⲕⲱⲃ ⲛⲁⲩ ⲉⲣⲟⲥ.
Ⲭⲉⲣⲉ ⲛⲉ ⲉ̀ⲃⲟⲗϩⲓⲧⲟⲧⲉⲛ: ⲉⲕ ⲧⲟⲛ ⲑⲩⲥⲁⲩⲣⲟⲛ ⲥⲉ ⲅⲁⲣ ⲉⲧⲧⲟⲃ: ⲁⲣⲉⲙⲓⲥⲓ ⲙ̀ⲫⲏⲉ̀ⲑⲙⲟⲧⲉⲛ: ⲙ̀ⲙⲟϥ ϧⲉⲛ ⲛⲏⲉ̅ⲑ̅ⲩ̅.
Ϣⲱⲡⲓ ⲛⲁⲛ ⲛ̀ⲟⲩⲡ̀ⲣⲟⲥⲧⲁⲥⲓⲁ: ϧⲁⲧⲟⲧϥ ⲉⲑⲣⲉⲛϣⲱⲡⲓ ⲛ̀ⲁ̀ⲧϩⲏⲃⲓ: ⲛ̀ⲧⲉϥⲑⲟⲩⲱ̀ⲧⲉⲛ ⲇⲏⲙⲟⲥⲓⲁ: ϧⲉⲛ ⲧⲉϥⲙⲉⲧⲟⲩⲣⲟ ⲉⲧ ϧⲉⲛ ⲛⲓⲫⲏⲟⲩⲓ̀.
Ⲧⲉⲛϯⲱ̀ⲟⲩ ⲛⲉ ⲱ̀ ⲑⲏⲉ̀ⲧⲥⲙⲁⲙⲁⲧ: ϣⲁ ⲡⲓⲛⲓϥⲓ ⲛ̀ⲧⲉ ⲗⲉⲩⲧⲉⲟⲥ: ϫⲉ ⲁⲣⲉϫⲓⲙⲓ ⲅⲁⲣ ⲛ̀ⲟⲩϩ̀ⲙⲟⲧ: ϧⲁⲧⲉⲛ ⲡⲉⲚⲟⲩϯ Ⲩⲓⲟⲥ Ⲑⲉⲟⲥ.